— Salamlar. Mən Səbinə Şərifova, 24 yaşım var. Rusiyada anadan olmuşam və orada böyümüşəm. Daha sonra, 11 yaşımda Moskvadan Azərbaycana köçmüşəm, orta məktəbi Bakıda bitirib, Dillər universitetinin Essex qrupunda (Qeyd: Dillәr Universitetinin xüsusi tәşәbbüsüdür, Essex Universitetinin proqramı ilә fәnnlәr yalnız ingiliscə keçirilir) təhsil almışam. Üçüncü kursu bitirdikdən sonra Ugrad proqramını qazanıb Miçiqanda Grand Valley State University-də təhsilimi davam etmişəm. Bakıya qayıdıb 5-ci kursu əlavə oxumuşam. Daha sonra ilk magistr dərəcəmi Xəzər Universitetində Dilçilik fakültəsində almışam. Hazırda ikinci magistr təhsilimi Londonda Birkbeck universitetində alıram. Sahəm tətbiqi dilçilik, ixtisasım Neyrodilçilikdir.
Leyla
Qasımova, 2008-2013-ci illərdə Bakı Dövlət Universitetində ali təhsilin
bakalavriat səviyyəsi üzrə “Filologiya (Rus dili və ədəbiyyatı)” ixtisasını bitirmişəm.
“2007-2015-ci illərdə Azərbaycan gənclərinin
xarici ölkələrdə təhsili üzrə Dövlət
Proqramı” çərçivəsində İngiltərənin Mançester Universitetinin “Təhsilin İdarə
olunması” ixtisası üzrə magistratura səviyyəsinin məzunu olmuşam. 2018-ci ildən
İsveçinHalmstad Universitetində Skandinaviya
ölkələrində Sosial Rifah (Nordic Welfare) üzrə magistr təhsili alıram.
Təqaüd barədə ümumi məlumatı haradan əldə
etmək mümkündür?
Swedish Institute səhifəsinə daxil olaraq təqaüd barədə məlumat ala bilərsiz, Swedish Institute çərçivəsində Azərbaycan Visby təqaüd proqramına daxil olan ölkələrdən biridir və müraciət edənlər Visby proqramını seçməlidirlər. Aşağıdakı linkə daxil olaraq ətraflı məlumat əldə edə bilərlər — https://si.se/en/apply/scholarships/visby-programme-masters/
Nəyə görə
bu ixtisası və universiteti seçmisiniz?
İşlədiyim sahə sülh quruculuqla
əlaqəli olduğu üçün Nordic Welfare mənə uyğun gəldi və
eyni zamanda Skandinaviya modeli dünyada davamlı inkişaf üçün statik bir
modeldir və eyni zamanda bu sahə üzrə təhsil alaraq bütün Skandinaviya ölkələrində
gedən sosial inkişaf barədə biliyə malik olmaq mümkündür. İsveçin sosial
inkişafa verdiyi tövhələr inkişaf edən ölkələr üçün bir strategiya ola bilər.
Əgər 19 əsrin axırlarına nəzər yetirsək görərik ki, İsveç kasıb ölkələrdən biri
olub, əhalisi işsizlikdən digər ölkələrə üz tutublar, lakin bu gün İsveç
iqtisadi və sosial inkişaf üzrə dünya üzrə
ən yüksək göstəriciyə malikdir.
Seçdiyim sahə üzrə
həm nəzəri bilik və eyni zamanda praktiki bilik əldə etmək mümkündür.
Universitet hər bir tələbə üçün imkan yaradır ki, İsveçdə gedən sosial rifahı və
inkişafı daha yaxından izləmək üçün müxtəlif sosial müəssisələrə səyahət edib
proseslə dahada yaxından tanış olaq.
Eyni universitetdə bir neçə proqram müraciət
etmək məsləhətdir yoxsa müxtəlif Universitetlərə?
Eyni universitetə gəldikdə, əgər seçilmiş
ixtisaslar Visby təqaüd proqramının təqdim etdiyi siyahıya daxildirsə birdən
artıq fakültəyə müraciət edə bilərlər. Ümumilikdə 4 universitet və yaxud 4
müraciət seçimi imkanınız var və düşünürəm ki, müxtəlif universitetlərə müraciət
etmək daha məqsədəuyğundur.
Azərbaycan və İsveç ali təhsil sistemi
arasında hansı ortaq cəhətlər və fərqliliklər var?
İsveç təhsil sistemi tam fərqlidir və asan
deyil, həftənin hər gününü təhsilə həsr etməlisən həftə sonu istisna olmaqla,
Gününün 8 saatını oxumaqla keçirdirsən. Azərbaycan təhsili ilə heç müqayisə etmək
mümkün deyil, tam fərqlidir. Yalnız iki inkişaf etmiş ölkənin təhsil sistemini
müqayisə etsək, məsəl üçün İngiltərə və İsveç deyə bilərəm ki, İsveçdə o qədərdə
müqayisəli yanaşma yazılarda tələb olunmur və sənin ölkəndə gedən inkişaf
onları o qədərdə maraqlandırmır. Onlar üçün əsas məqsəd İsveçə hansı yenilikləri
və dəyişikləri gətirə bilərik onun inkişafı genişlənsin, qlobal problemlərin təsirinin
qarşısını almaq yolları və s. Bir sözlə ölkə yalniz öz inkişafına yönəldilmiş
bir təhsil sisteminə malikdir və bununla yanaşı tələbənin innovatorluq həvəsini
artırır. İnnovativ ideyaları həyata keçirdmək üçün geniş imkanlar yaradılır.
Müəllim heyəti ümumilikdə necədir? Azərbaycanda
olan müəllimlərlə müqayisə etmək nə qədər düzgündür?
Müəllimlər təhsillə yanaşı geniş dünya
görünüşünə malikdirlər. Hər bir tələbənin fikri onlar üçün önəmlidir və tələbə
üzərində qurulmuş təhsil sistemidir, yəni tələbənin rahatlığı və biliyinin artması
onlar üçün vacib amillərdən biridir.
Dərslərdə iştirak mütləqdir yoxsa əsas verilən
tapşırıqları yerinə yetirməkdir?
Dərsdə iştirak fakültədən fakültəyə dəyişir
və eyni zamanda professorlardan aslıdır necə qəbul edəcəklər seminarları, onlayn
qoşulma və yaxud yazılı formada seminarı professorun elektron ünvanına göndərə
bilərlər. Müəllimlər tələbənin oxumağı üçün şərait yaradırlar və yaranan
problemi tez həll etməyə çalışırlar.
Dərslərə daha tez adaptasiya olmaq üçün
hansı dərsləri bilmək məsləhətdir?
Kitablarin siyahısı fakültənin səhifəsində
Syllabus-da göstərilir. Dərsliklərdən istifadə müəllimlər tərəfindən geniş şəkildə
izah edilir.
Seçimlər tam demokratik şəraitdə aparılır və
bütün kriteriyalara cavab verən tələbələr Visby təqaüd proqramını əldə edə bilərlər.
Əsasən sosial aktiv və liderlik qabiliyyətinə malik olan tələbələr müsabiqədən
keçirlər. Düzdü dil biliyi də önəm kəsb
edir.
Oxuculara vermək istədiyiniz məsləhətlər
Əgər İsveçdə qalıb işləmək istəyirsinizsə İsveç dilini gəlməmişdən qabaq öyrənməyə çalışın. İsveç dilini bilməyiniz sizə geniş iş imkanlarını açacaq. Çalışın fəal olun və geniş şəbəkə qurmağa çalışın. İsveçlilər ünsiyyət zamanı ilk ünsiyyətə girməkdən çəkinirlər, lakin ünsiyyətə girdiyiniz zaman görürsən ki, necə də gözəl ünsiyyət bacarığına malikdirlər. İrqindən və dinindən asılı olmayaraq hər bir insana hörmət ilə yanaşırlar. Sağlam qidalanırlar, cəmiyyət və ölkə çox gözəldir. Yalnız qışı çox sərt keçir.
Müsahibəyə görə təşəkkürlər! Təhsilinizdə uğurlar!
Ən çox verilən suallar (FAQ)
2014-cü ildə bitirmişəm.
Universitetdən göturəcəyim recommendation letter-də hansı tarixi qeyd etməliyəm?
Xeyr, yenidən imtahan vermək şansınız var.
İELTS imtahanından nəticəmin vaxtı bitib. Mən
yeniləmədən köhnə sənədi göndərə bilərəm universitetlərə?
Vaxtı bitmiş sənəd etibarsızıdır.
4 fərqli universitetə ya da ixtisasa müraciət
edirəmsə, hamısına 1 motivation letter göndərməliyəm yoxsa hər birinə
ayrı-ayrı?
Eyni motivation letter yetərlidir
Application fee necə ödəmək məsləhətdir: bank
köçürməsi və ya onlayn olaraq?
Kredit kartla odəniş etmək mümkündür.
Sənədlər onlayn yüklənilməlidir yoxsa poçtla
da?
Online dahada asandır
İxtisasımdan fərqli olan ixtisas seçmək olar?
Bəli olar, lakin əsaslandırmalısan niyə fərqli
ixtisası seçirsiniz
Təhsili bitirdikdən sonra İsveçdə qalmaq imkanı
var?
İş tapsanız qalmaq imkanınız var
Recommendation letter-də hansı tarix göstərilməlidir?
Köhnə tarix göstərilə bilər?
Tarix o qədər önəmli deyil yalnız
recommendation letter-də göstərilən adama müraciət etdikdə onun cavab verməsi
önəmlidirMüsahibəyə görə təşəkkürlər! Təhsilinizdə
uğurlar!
Fidan Əbdürrəhimli,
1994-cü ildə Şəmkir rayonunda anadan olmuşam. 2011-2015-ci illərdə Bakı Dövlət
Universitetinin Hüquq fakültəsində Hüquqşünaslıq ixtisası üzrə bakalavr təhsili
almışam. 2015-2018-ci illərdə “MedLex” hüquq şirkətinin nümayəndəsi olaraq Səhiyyə
Nazirliyinin Analitik Ekspertiza Mərkəzində hüquqşünas vəzifəsində işləmişəm. 2018-ci
ildə İsveçin Lund Universitetində 2 illik magistr proqramına (LLM in
International Human Rights Law) qəbul olunmuşam.
Təqaüd barədə ümumi məlumatı haradan əldə
etmək mümkündür (rəsmi mənbə, link və s.)?
Study in Sweden
və The Swedish Institute-un (Svenska Institutet) internet saytlarında İsveçdə təhsil
ilə bağlı ətralı məlumat mövcuddur: https://studyinsweden.se/, https://si.se/.
Nəyə görə bu
ixtisası və
universiteti seçmisiniz?
Ümumiyyətlə, xarici
ölkədə təhsil almaq istəyim 5-6-cı sinifdə oxuyanda yaranmışdı. “Peace Corps”un
əməkdaşı kəndimizin məktəbində ingilis dili dərsi keçirdi. Bu istəyimin
yaranmasında o xanımın rolu olub. İxtisas olaraq hüquqşünaslığı seçməyimin səbəbi
isə insan hüquqlarına olan marağım idi. Bakalavrda bu marağım daha da artdı. Bu
sahəni daha dərindən və keyfiyyətli şəkildə öyrənmək istəyim Lund
Universitetini və bu proqramı seçimlərim arasında birinci elədi.
Eyni universitetdə bir neçə proqram müraciət
etmək məsləhətdir yoxsa müxtəlif Universitetlərə?
Proqramların
eyni universitetdə və ya fərqli universitetlərdə olması prinsipial deyil. Məsələn,
mən Lund Universitetindən sonra, Stokholm Universitetində 2 proqram seçmişdim. Müraciət
edənlərin seçimlərini maraq sahələrinə, akademik və kurrikulumdan kənar fəaliyyətlərinə,
peşəkar iş təcrübələrinə və s. uyğun etmələri daha məsləhətlidir. Bu həm
universitetə qəbul, həm də təqaüd üçün imkanları artırar.
Azərbaycan və İsveç ali təhsil sistemi
arasında hansı ortaq cəhətlər və fərqliliklər var?
Əvvəlcədən
deyim ki, hüquq üzrə oxuduğum üçün müqayisəni də bu yöndə aparacam. Ola bilər
ki, digər ixtisaslarda vəziyyət bir qədər fərqlidir.
Azərbaycan və İsveç təhsil sistemi arasında tədris yönündən xeyli fərq var 🙂 Dərslərin keçirilmə üsulu, kurrikulum, tələbə-müəllim münasibəti, tələbələrin dərslərə yanaşması, ədəbiyyatlar, imtahanlar, demək olar ki, hər şey fərqlidir.
Təəssüf doğuran
faktdır ki, bizdə təhsil əsasən əzbərçilik üzrə qurulub. İndi-indi orta məktəbdə
çalışırlar nələrsə etsinlər, bunun uğurlu olub-olmamasını zaman göstərəcək.
Universitetdə belə idi ki, alimlərin fikirlərini əzbərləyirsən, çıxıb o fikirləri
təkrarlaryırsan və buna əsasən müəllim sənə qiymət yazır. İsveçdə önəmli olan isə
sənin necə düşünməyindir. Alimin fikri ilə razısansa və ya narazısansa, niyəsini
izah etməlisən. Tələbəni düşünməyə, öz fikrinin olmasına vadar edirlər (bu
İsveçdə hələ məktəbəqədər təhsildən başlayır). Beynəlxalq hüquq müəllimimiz bizə
deyir ki, ICJ-nin (International Court of Justice, Beynəlxalq Ədalət Məhkəməsi)
nə qərara gəldiyinə fikir verməyin, işi, halları özünüz dəyərləndirin, şərh
edin. Qərarda o cür yazılıbsa, bu o demək deyil ki, tək doğru olan odur və s.
Dediyim kimi, dərslər yalnız kitabdakı mövzu ilə limitlənmir, daha çox ‘’case-law
based’’ olur, ICJ-nin, Avropa və Amerika İnsan Hüquqları Məhkəmələrinin, digər
beynəlxalq və regional mexanizmlərin qərarları, rəyləri, qətnamələri və s. əsas
materiallardandır. Hər mövzuya aid bir neçə məhkəmə qərarı, məqalələr oxuyuruq,
müzakirə edirik və s.
BDU-da
bakalavrda mütləq hər yeni fənn keçiriləndə ən az ilk 2 dərs fənnin predmeti, anlayışı,
metodu, prinsipləri, digər elmlərlə qaşılıqlı əlaqəsi, hüquq elmində yeri və s.
kimi şeylərə vaxt ayrılırdı. İndi oxuduğum materiallarda bunlar yoxdur, ən
yaxşı halda, 3-4 cümlə ilə bunlardan çox vacib olanı varsa, o əhatə olunur.
Burda bir fənni bir müəllim tədris eləmir. Bu semestr iki fənn tədris olunub və nə az, nə çox, 13 müəllim dərs keçib. 🙂 (5 müəllim Beynəlxalq hüququ, 8 müəllim İnsan hüquqlarını). Hər müəllim bir və ya bir neçə mövzu üzrə mühazirə deyib, seminar aparıb. Azərbaycanda isə bəzən bir müəllim 2 və daha çox fənni tədris edirdi (məsələn, İnsan hüquqları və Bələdiyyə hüququ, Əmək hüququ və Ekologiya hüququ :)).
Daha bir fərq
odur, burda qrup şəklində işləməyə (təhsildə və iş həyatında) çox önəm verilir.
Fərdi yerinə yetirdiyin tapşırıq, demək olar ki, olmur (imtahanlardan başqa).
Bizdəki “fərdi iş” anlayışını burda “workshop”lar əvəz edir. Kiçik qruplara bölünərək
bir semestr ərzində tələbə 3-5 qrup yoldaşı ilə birlikdə verilən tapşırığı həll
edib, müəllimə təqdim edir (təqdimat müəllimdən asılı olaraq slide show
hazırlamaq, masa ətrafında müzakirə şəklində və s. olur).
Mühazirələrin
mövzusu, oxunulası materiallar əvvəlcədən bəlli olur. Tələbə materialları
oxuyur, mühazirəyə hazır gəlir. Bu dərsin daha interaktiv keçməsinə, oxuduğun
materialda qaranlıq qalan məqamları elə yerindəcə, vaxtında müəllimdən soruşmaq,
müzakirə eləmək imkanı yaradır.
İmtahanlar həm
“take-home” formada, həm də sinif otağında ola bilir. Birinci halda suallar
açıqlanır, verilən müddətdə evdə suallara cavab yazıb e-mail vasitəsilə kurs
administratoruna göndərirsən, o isə cavabları yoxlayacaq müəllimə göndərir. Təbii
ki, anonim olur. Digər variantda sinif otağında kompüterdə 3 və ya 4 saat ərzində
hamıya verilən eyni suallara tələbə cavab yazır. Bəzən kitabdan, qeydlərdən
istifadəyə icazə verilir. İmtahan nəticələri də anonim olur. Kurs administatoru
hər tələbəyə nömrə verir və nəticələr açıqlanan zaman, ad, soyad əvəzinə nömrələrlə
açıqlanır. Yaxud tələbənin şəxsi “student account”una göndərilir. Beləcə, tələbələr
bir-birindən soruşmadıqca — adətən soruşmurlar — kimin neçə bal aldığı
bilinmir.
Sinif jurnalı yoxdur, dolayısı ilə mühazirələrdə qayıb və s. də yoxdur. 🙂
Çox zəngin
kitabxanaları və elektron bazaları var, hər tələbənin şəxsi kitabxana hesabı, bazaya girişi olur və online resurslardan
yararlana bilir. (HeinOnline və s. ) Bəlkə, bu fərq deyil, yəqin ki, ADA kimi
universitetdə belə sistem var, amma çoxluq bu cür imkanlara sahib deyil.
Dərslərin sayı
da BDU-dakına nisbətdə azdır. Dediyim kimi, semestr ərzində 2 fənn keçmişik.
Bakalavrda isə, isveçli qrup yoldaşlarım bir semestrdə maksimum 3-4 fənn keçiblər.
Xüsusi oxşar cəhət hazırda ağlıma gəlmir, düzü. 🙂
Müəllim heyəti ümumilikdə necədir? Azərbaycanda
olan müəllimlərlə müqayisə etmək nə qədər düzgündür?
Azərbaycanda
olan müəllimlərlə müqayisə etmək istəmirəm. Ona görə yox ki, hansısa daha
yaxşıdır, hansısa yox. Sadəcə lüzum yoxdur, fikrimcə. Burdakı müəllimləri qısa təsvir
etməklə kifayətlənəcəm.
Müəllimə adı ilə müraciət olunur. (Şərqli tələbələrə buna öyrəşmək vaxt alır :)) Bu, qəti şəkildə, hörmətsizlik deyil, əksinə, müəllim və tələbənin bərabərhüquqlu olmasını diqqətə çatdırmaq üçündür. Müəllimlər (xüsusilə isveçlilər) özlərini təqdim edəndə (məsələn, hazırladıqları prezentasiyalarda) elmi adlarını heç vaxt vurğulamırlar. Məsələn Dr. Prof. Doc. kimi qısaltmaları istifadə etməyə heç isti yanaşmırlar (13 müəllimdən yalnız 2-3 müəllim prezentasiyada adının əvvəlinə Dr. əlavə edib, hamısı da qeyri-isveçlidir (italyan, argentinalı və alban). 🙂 Tələbə suala düzgün cavab verməyəndə onun səhv dediyini “Xeyr, səhvdir.” – şəklində bildirmirlər. Əvəzinə: “Hmm, ola bilər, amma bəlkə bu yandan baxmaq da yaxşı olar…” deyib düzgün cavabı bildirirlər. Tələbə ilə səmimidirlər. Bəzən fasilədə müəllimlərdən hansısa idman klubuna üzvlük, azyaşlı uşaqların valideyni olmağın çətin olması (hətta :)), havaların soyuq keçməsi və s. barədə söhbətlər eşitmək mümkündür. İnsanlar rahatdırlar. Müəllim tələbəyə yetişkin insan kimi (ki həqiqətən bizə nisbətdə daha yetişkin olurlar) davranır. Tələbə heç bir vəchlə müəllimdən çəkinmir, sözünü, fikrini, etirazını və s. bildirir. Müəllim içəri gələndə ayağa durulmur. 🙂 Bütün bunların başında yuxarıda vurğuladığım “bərabərhüquqluluq” prinsipi dayanır.
Dərslərdə iştirak mütləqdir yoxsa əsas verilən
tapşırıqları yerinə yetirməkdir?
Mühazirələrdə
iştirak mütləq deyil, lakin seminar və workshop-larda davamlı iştirak etmək
yekun bala təsir göstərir. Bəzi hallarda mühazirələrdə mütləq iştirak nəzərdə
tutula bilər.
Dərslərə daha tez adaptasiya olmaq üçün
hansı dərsləri bilmək məsləhətdir (link, kitabların adları və s.)?
Mənim oxuduğum
proqram üzrə bəlli beynəlxalq sənədlər: müqavilələr, konvensiyalar və s. var, onları
oxumaq kömək olar. Onsuz da dərs müddətində keçiriləcək.
Oxuculara vermək istədiyiniz məsləhətlər
Məsləhət olaraq
inanın, çalışın və s. kimi klişe şeylər demək istəmirəm, amma təcrübəmi bölüşə
bilərəm. Xüsusilə Visby motivasiya məktubu yazarkən məqsədlərini,
platformalarını aydın, dolğun və inandırıcı şəkildə göstərsinlər. Mümkün qədər
fərdiyyətçilikdən qaçsınlar, yəni təhsilin sonunda qazandıqlarından yalnız özləri
yararlanacaqları şəkildə fikir yazmasınlar. Avropalılar fərdiyyətçi olsalar da,
ümumi maraq naminə birgə işləməyi bacarırlar və buna çox önəm verirlər.
Müsahibəyə görə təşəkkürlər! Təhsilinizdə
uğurlar!
Mən təşəkkür edirəm! Hər kəsə uğurlar!
Ən çox verilən suallar (FAQ)
2014-cü ildə bitirmişəm.
Universitetdən göturəcəyim recommendation letter-də hansı tarixi qeyd etməliyəm?
Tövsiyə
məktubunu götürdüyünüz tarixi.
İmtahandan kəsiləndə Visby təqaudunü
dayandırırlar? Kəsildikdən sonra məbləğləri geri
qaytarmalısan deyə şərtlər var burda?
İmtahandan
kəsiləndə yenidən imtahan vermə şansınız olur. Minimum 22.5 kredit toplamaq
lazımdır semestr ərzində. Semestr sonu nəticələriniz dəyərləndirilir, qənaətbəxş
deyilsə, dayandırıla bilər. Bu halda geri ödəmə tələb olunmur.
Təhsilimi ingilis dilində almışam. Bunu
sübut etmək üçün hansı sənədi təqdim etməliyəm universitetlərə?
Bu
barədə universitetdən rəsmi arayış.
İELTS imtahanından nəticəmin
vaxtı bitib. Mən yeniləmədən köhnə sənədi göndərə
bilərəm universitetlərə?
Köhnə
nəticəni göndərmək məsləhət deyil.
4 fərqli universitetə ya da
ixtisasa müraciət edirəmsə, hamısına 1 motivasiya məktubu göndərməliyəm yoxsa hər
birinə ayrı-ayrı?
Ayrı-ayrı
olması məsləhətlidir. Nə də olsa, ixtisaslar fərqlənir.
Application fee necə ödəmək məsləhətdir:
bank köçürməsi və ya onlayn olaraq?
Online
daha praktikdir.
Visby təqaüdü üçün minimum GPA nə qədər
olmalıdır?
Visby
təqaüdü üçün GPA tələb olunmur.
Sənədlər onlayn yüklənilməlidir
yoxsa poçtla da?
Ancaq
onlayn.
İxtisasımdan fərqli olan ixtisas
seçmək olar?
Əlbəttə
olar, əgər heç olmasa seçdiyiniz ixtisasa uyğun hansısa fəaliyyətiniz olubsa.
Təhsili bitirdikdən sonra
İsveçdə qalmaq imkanı var?
Bəli,
6 ay müddətinə yaşayış icazəsinin müddətini uzatmaq olur.
Tövsiyyə məktubunda hansı
tarix göstərilməlidir? Köhnə tarix göstərilə bilər?
Məktubun
hazırlandığı tarix göstərilə bilər. Mümkün qədər yaxın tarix olması məsləhətdir.
Hər vaxtınız xeyir olsun, əziz oxucular! Xaricdə təhsil alanlar müsahəbələr seriyasında növbəti müsahibəni diqqətinizə təqdim edirəm. Gəlin Portuqaliyada Erasmusla oxuyan xanım müsahibimlə tanış olaq. Читать далее →
Salam, əziz oxucular! Bu dəfə Xaricdə təhsillə bağlı olan bir mövzuya toxunacam. Xaricdə təhsil almaq üçün Avropa İttifaqının Erasmus Mundus adlı proqramından da istifadə edə bilərsiniz. Читать далее →
Hər vaxtınız xeyir olsun, əziz oxucular! «2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı» (DP) bu il başa çatdı. Proqram çərçivəsində Читать далее →
Hər vaxtınız xeyir olsun, əziz oxucular! «2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı» (DP) bu il Читать далее →
Hər vaxtınız xeyir olsun, hörmətli oxucular! «2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı» (DP) bu il başa çatdı. Proqram çərçivəsində 3558 nəfər Azərbaycan vətəndaşı dünyanın müxtəlif təhsil müəssisələrində təhsil almaq hüququ qazanmışdır.
Təbii ki, proqramın mövcudluğu və onun imkanlarının olması Читать далее →
Hər vaxtınız xeyir olsun, dəyərli oxucular! «2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı» (DP) bu il başa çatdı. Təhsil naziri Mikayıl Cabbarovun dediyinə görə 8 il ərzində 3558 nəfər Azərbaycan vətəndaşı dünyanın təhsil müəssisələrində təhsil almaq hüququ qazanmışdır.
DP-nin işıqlandırılması istənilən səviyyədə olmadığından bu boşluğu doldurmaq lazım olduğunu hesab edirəm. Ona görə də Читать далее →